كێن ئەوانەی زیاتر توشی نەخۆشیەكانی شێرپەنجە دەبن
توێژینەوەیەكی نوێ لەلابەن زاناكان لە وڵاتە یەكگرتوەكانی ئەمەریكاوە ئەنجامدرا بۆ ئەوەی ئەگەری توشبوون بەنەخۆشیەكانی شێرپەنجە كەمبكرێتەوە .
لەتوێژینەوەكەدا ئەوە هاتوە ئەو كەسانەی وەرزش دەكەن و جگەرە ناكێشن و زیادە ڕەوی ناكەن لە خواردنەوەی مەیدا ئەگەری توشبونیان بە نەخۆشی شێرپەنجە كەمدەبێتەوە .
ئەم توێژینەوەیە لە لايەن كۆمەڵەی ئەمەریكی بۆ نەخۆشیەكانی شیبَرپەنجە بڵاوكرایەوە ، دكتۆر ( مینگان سۆنگ ) سەرپەرشتیاری ئەم توێژینەوەیە ئەوەی ئاشكرا كردوە كە مرۆڤ دەتوانێت لەڕێی شێوەی ژیانیەوە ئەگەری توشبوونی بە شێرپەنجە كەمبكاتەوە .
ئەم پزیشكە پێی وایە لەڕێی ژیانی تەندروستانە و دوور كەوتنەوە لە خواردنەوەی مەی و جگەرە كێشان و ئەنجامدانی ڕاهێنانە وەرزشیەكان دەكرێت مرۆڤ خۆی بپارێزێت لەتوشبوون بەنەخۆشیەكانی شێرپەنجە .
شێوازی ژیانی تەندروستانە بە ڕێژەی %25 كاریگەری دەبێت لەسەر توشبوون بە نەخۆشیەكانی شێرپەنجە لەناو خانماندا و ڕێژەی %33 كاریگەری دەبێت لەسەر توشبوونی پیاوان بە نەخۆشیەكانی شێرپەنجە .
بۆ ئەوەی لە توشبون بەشێرپەنجە پارێزراوبن پێویستە ژیانێكی تەندروستتان هەبێت و خۆراكی تەندروست بخۆن و لە كێشانی جگەرەو خواردنەوەی مەی دوور بكەونەوە و لە ژینگەیەكی تەندروستدا بژین جگە لەمانەش بۆهێڵەكان كاریگەریان دەبێت لەسەر توشبوون بە شێرپەنجە .
0 .:
إرسال تعليق