بۆ خۆپاراستن لەم جۆرەی شێرپەنجە ڕۆژانە گوێز بخۆ
توێژەرەوە ئەمەریكیەكان لە لێكۆڵینەوەیكی نوێوە ئەوەیان ئاشكرا كردوە كە ڕۆژانە خواردنی گوێز ئەگەری توشبوون بەشێرپەنجەی قۆلۆن كەمدەكاتەوە ، و ئەمەش لەكاتێكدا دێت كە ئەم جۆرەی شێرپەنجە چوارەم جۆری بەربڵاوی نەخۆشی شێرپەنجەیە لە جیهاندا و ساڵانە بەهۆیەوە ژمارەیەك كەس لەسەر زەوی گیان لەدەست دەدەن .
زاناكان لە زانكۆی ( كۆنیتیكت ) ی ئەمەریكی ئەوەیان ئاشكرا كردوە خواردنی گوێز كاریگەری دەبێت لەسەر گەدە و وادەكات گەشەی خانە شێرپەنجەییەكانی ناو قۆڵۆن كەمببێتەوە و ئەم توێژینەوەیە لەلایەن ( كۆمەڵەی خۆپاراستن لە نەخۆشیەكانی شێلرپەنجە ) بڵاوكراوەتەوە.
توێژەرەوەكان ئەوەیان ئاشكرا كردوە كە بەهۆی ئەوەی گوێز ڤیتامین ئی و ترشی چەوری و ئۆمیگا سێ لە پێكهاتەیدا هەیە وایكردوە كە گوێز خاوەنی ئەو تایبەتمەندیە بێت كە دژایەتی خانە شێرپەنجەكان بكات .
زاناكان ئەم توێژینەوەیەیان لەسەر مشكی تاقیگە ئەنجامداوە و تێبینی ئەوەیان كردوە ئەو مشكانەی ڕۆژانە 7 بۆ 10 % ی ئەو كالۆریانەی جەستەیان دەستی دەكەوێت لەڕێی خواردنی گوێزەوە بوە ئەوە ئەگەری توشبونیان بەشێرپەنجەی قۆڵۆن كەمببۆوە .
سەرۆكی سەرپەرشتیكاری ئەم توێژینەوەیە ( دانیال جۆرج ) ئەوەی ئاشكرا كردوە كە ئەمە یەكەمجارە توێژینەوەیەكی لەو شێوەیە بكرێت و سوودەكانی گوێز بۆ بەرەنگاربونەوەی نەخۆشی شێرپەنجەی قۆڵۆن ئاشكرا بكرێت ،و مرۆڤ بۆ ئەوەی لە توشبوون بەم جۆرەی شێرپەنجە پارێزراو بێت پێویستە ڕۆژانە 28 گرام گوێز بخوات .
گوێز مرۆڤ دەپارێزێت لە توشبوون بەنەخۆشیەكانی دڵ و شەكرە و نەخۆشیەكانی دەمار و ئەگەری توشبوون بە زەهایمەر كەمدەكاتەوە .
بەگوێرەی ڕاپۆرتەكانی كۆمەڵەی ئەمەریكی بۆ نەخۆشیەكانی شێرپەنجە ، شێرپەنجەی قۆڵۆن سێهەم جۆری شێرپەنجەی بڵاوە لە ئەمەریكا و ساڵانە 95 هەزار كەس توشی ئەم نەخۆشییە دەبن و چوارەم هۆكاری گیان لەدەستدانی مرۆڤە لە جیهاندا .
0 .:
إرسال تعليق