بنێشت بۆ ماوەی 7 ساڵ لەگەدەدا دەمێنێتەوە ئەگەر قوت بدرێت ؟
كۆمەڵەی ئەمەریكی بۆ توێژینەوە زانستیەكان توێژینەوەیەكیان لەسەر ڕاستی ئەو بابەتە كرد كە دەوترێت ئەگەر مرۆڤ بنێشت قوت بدات ئەوە ماوەی 7 ساڵ لە گەدا دەمێنێتەوە و هەرس ناكرێت .
زاناكان لەڕێی ئەم توێژینەوەیەوە ئەوەیان سەلماندوە كە بنێشت هاوشێوەی خۆراكەكانی دیكە بە سێ قۆناغدا تێپەڕ دەبێت لە جەستەدا و زۆربەی جۆری بنێشتەكان كاتێك قوت دەدرێن لەناو گەدا هەرس نابێت و دوای ڕۆژێك بۆ دوو ڕۆژ لەڕێی پیساییەوە جەستە فڕێی دەداتە دەرەوە .
ئەو سێ قۆناغەی خۆراك پیادا تێپەڕ دەبێت لەناو گەدەدا :
1- قۆناغی یەكەم : بنێشت لەناو دەمدا دەجورێت و ئەو كاتەی دەنێردرێت بۆ گەدە لەوێدا چەند جوڵەیەكی میكانیكی لەناو گەدەدا ڕودەدات بەشێوەیەكی سروشتی بۆ ئەوەی پێكهاتەكانی خۆراكی ناو گەدە وورد بكرێت و ئەو ینێشتەی قوتت داوە بەر ئەم قۆناغە دەكەوێت .
2-قۆناغی دووەم : لەناو گەدەدا ترشەڵۆكی تایبەت بە تواندنەوەی خۆراكەكانی ناو گەدە دەردەدرێت و دەكرێت بەسەر خۆراكەكانی ناو گەدەدا .
3-لە قۆناغی سێهەم و كۆتایدا گەدە لەڕێی ئەنزیم و پێكهاتەكانی كە دەری دەدات خۆراكەكان بە تەواوەتی دەگۆڕێن بۆ ترشە چەوریەكان و شەكرەكان و بەسەر ئەندامەكانی جەستەدا دابەش دەكرێن لەڕێی خوێنەوە .
0 .:
إرسال تعليق